مالكه كل الجمال

بسم الله الرحمن الرحيم

قالت أوصفني بقصيدة! قلت بسم الله عليك
لا تكونين أنهبلتي ؟ما نقصني بك هبال

وين أبلقا لك وصايف بالوصف تركب عليك
رمشك لحاله قصيدة حارسٍ عين وهلال

أيه اكتب وكمل ! لا تخاف وما عليك
تحسب أني صرت شاعر صدقت بنت الحلال

قالت اكتب بس عجل كل ما يطري عليك
وجلست قدام عيني وشالت اطراف الجلال

قلت ياربي دخيلك عبدك وداخل عليك
باقي بعقلي بقايا وصرت أخاف من الخبال

قلت أنا ارجوك قومي ابعدي يستر عليك
صايرٍ مجنون ليلى لحالتي أقرب مثال

أبعدي عن كل غيري افهمي شوري عليك
أحلف أن الي يطيعك بيتربط بالحبال

منهو الي بس يقدر يشعر وعينه عليك
لو يقاوم سحر عينك ما يقاوم هالدلال

بوصفك لكن شرطي حطي الغطوة عليك
وبكتب انه فيه وحدة مالكة كل الجمال
تحياتى فارس الورمنسيه

» اليابان ..الجمال ’’ الطبيعه ’’ التقـدم